Crime
ലൈംഗിക പീഡന പരാതി: മുന്കൂര് ജാമ്യഹര്ജി നല്കി രാഹുല് മാങ്കൂട്ടത്തില്
തിരുവനന്തപുരം: ലൈംഗികമായി പീഡിപ്പിച്ചെന്ന യുവതിയുടെ പരാതിയില് കേസെടുത്തതിനു പിന്നാലെ രാഹുല് മാങ്കൂട്ടത്തില് എംഎല്എ മുന്കൂര് ജാമ്യഹര്ജി നല്കി. തിരുവനന്തപുരം സെഷന്സ് കോടതിയിലാണ് ജാമ്യഹര്ജി നല്കിയിരിക്കുന്നത്. അഭിഭാഷകനായ ശാസ്തമംഗലം അജിത് കുമാറാണ് രാഹുലിനുവേണ്ടി ഹര്ജി ഫയല് ചെയ്തിരിക്കുന്നത്. യുവതി നല്കിയിരിക്കുന്നത് വ്യാജ പരാതിയാണെന്നും കേസിൽ താൻ നിരപരാധിയാണെന്നും ജാമ്യഹര്ജിയില് ചൂണ്ടിക്കാട്ടുന്നു
വ്യാഴാഴ്ചയാണ് മുഖ്യമന്ത്രി പിണറായി വിജയന് യുവതി നേരിട്ട് പരാതി നല്കിയത്. ക്രൂരമായ പീഡനമാണ് രാഹുല് മാങ്കൂട്ടത്തില് നടത്തിയതെന്ന പെണ്കുട്ടിയുടെ മൊഴിയുടെ അടിസ്ഥാനത്തില് പോലീസ് എഫ്ഐആര് രജിസ്റ്റര് ചെയ്തിരുന്നു. തുടര്ന്ന്, വെള്ളിയാഴ്ച രാവിലെ നെയ്യാറ്റിന്കര ജെഎഫ്സിഎം 7 കോടതിയില് പരാതിക്കാരിയുടെ രഹസ്യമൊഴി രേഖപ്പെടുത്തി.
Continue Reading