കേന്ദ്ര ബജറ്റ്  : കാൻസർ, പ്രമേഹ മരുന്നുകൾക്ക് വില കുറയും

ന്യൂഡൽഹി : രാജ്യത്തെ ബയോഫാർമസ്യൂട്ടിക്കൽ മേഖലയുടെ വികസനത്തിന് ഊന്നൽ നൽകുമെന്ന് കേന്ദ്ര ധനമന്ത്രി നിർമ്മല സീതാരാമൻ. കാൻസർ, പ്രമേഹം തുടങ്ങിയ ഗുരുതരമായ രോഗങ്ങൾക്കുള്ള മരുന്നുകൾ വിലകുറഞ്ഞതാക്കുമെന്ന് ധനമന്ത്രി തന്റെ ബജറ്റ് പ്രസംഗത്തിൽ പറഞ്ഞു.

10,000 കോടി രൂപയുടെ എസ്എംഇ വളർച്ചാ ഫണ്ടും സീതാരാമൻ പ്രഖ്യാപിച്ചു. ഭാവിയിൽ തൊഴിലവസരങ്ങൾ സൃഷ്ടിക്കുന്നതിനും തിരഞ്ഞെടുത്ത മാനദണ്ഡങ്ങൾ അടിസ്ഥാനമാക്കി സംരംഭങ്ങളെ പ്രോത്സാഹിപ്പിക്കുന്നതിനുമായി 10,000 കോടി രൂപയുടെ സമർപ്പിത എസ്എംഇ വളർച്ചാ ഫണ്ട് ആരംഭിക്കാൻ സർക്കാർ നിർദ്ദേശിക്കുന്നുണ്ടെന്ന് അവർ വ്യക്തമാക്കി.
പെൺകുട്ടികളുടെ വിദ്യാഭ്യാസത്തെ പിന്തുണയ്‌ക്കുന്നതിനായി എല്ലാ ജില്ലയിലും ഒരു പെൺകുട്ടികളുടെ ഹോസ്റ്റൽ നിർമ്മിക്കണമെന്ന് ധനമന്ത്രി ആവശ്യപ്പെട്ടു. STEM സയൻസ് , ടെക്നോളജി, എഞ്ചിനീയറിങ് , മാത്മാറ്റിക്സ് ) സ്ഥാപനങ്ങൾ ഉൾപ്പെടെയുള്ള ഉന്നത വിദ്യാഭ്യാസത്തിൽ നീണ്ട പഠന സമയങ്ങളും ലാബ് ജോലികളും വിദ്യാർത്ഥിനികൾക്ക് വെല്ലുവിളികൾ സൃഷ്ടിക്കുന്നുവെന്ന് ധനമന്ത്രി പ്രസ്താവിച്ചു.

അതിനാൽ തങ്ങളുടെ പദ്ധതി പ്രകാരം പെൺകുട്ടികളുടെ വിദ്യാഭ്യാസം പുരോഗമിപ്പിക്കുന്നതിനായി എല്ലാ ജില്ലയിലും ഒരു പെൺകുട്ടികളുടെ ഹോസ്റ്റൽ നിർമ്മിക്കുമെന്നും അവർ വ്യക്തമാക്കി.