Education
സമരം നടത്തി വന്ന ലാസ്റ്റ് ഗ്രേഡ് ഉദ്യോഗാർഥികൾ സമരം അവസാനിപ്പിച്ചു
തിരുവനന്തപുരം: സെക്രട്ടേറിയറ്റിന് മുന്നിൽ സമരം നടത്തി വന്ന ലാസ്റ്റ് ഗ്രേഡ് ഉദ്യോഗാർഥികൾ സമരം അവസാനിപ്പിച്ചു
ഉദ്യോഗാർഥികളു സർക്കാരുമായുള്ള ചർച്ചയെ തുടർന്നാണ് തീരുമാനം. ഉദ്യോഗാർഥികൾ മുന്നോട്ടുവെച്ച ആവശ്യങ്ങൾ സർക്കാർ അംഗീകരിച്ച പശ്ചാത്തലത്തിൽ സമരം അവസാനിപ്പിക്കാൻ തയ്യാറായതെന്ന് നേതാക്കൾ പറഞ്ഞു.
മുഖ്യമന്ത്രിയുടെ നിർദേശപ്രകാരമാണ് നിയമമന്ത്രി എകെ ബാലനും ഉദ്യോഗാർഥികളും തമ്മിൽ ഞായറാഴ്ച രാവിലെ ചർച്ച നടന്നത്. ഉദ്യോഗാർഥികൾ മുന്നോട്ടുവെച്ച ആവശ്യങ്ങളിൽ വിശദമായ ചർച്ചയാണ് നടന്നത്.
വാച്ച്മാന്മാരുടെ ജോലി സമയം 8 മണിക്കൂറായി നിജപ്പെടുത്താനും നൈറ്റ് വാച്ച്മാൻ ഒഴിവുകളിലേക്ക് നിലവിലെ റാങ്ക് ലിസ്റ്റിൽ നിന്ന് നിയമനം നടത്തുന്നതിനുള്ള ശുപാർശ നിയമപ്രകാരം നടത്തുമെന്ന് മന്ത്രി ഉറപ്പ് നൽകി. ഒഴിവുകൾ കൃത്യമായി റിപ്പോർട്ട് ചെയ്യാനും നടപടിയുണ്ടാവും. തിരഞ്ഞെടുപ്പ് കമ്മീഷനുമായി ചർച്ച ചെയ്ത് അനുമതി ലഭിക്കുന്ന മുറയ്ക്ക് നടപടികൾ ഉണ്ടാവുമെന്ന് മന്ത്രി ഉറപ്പ് നൽകി.
എന്നാൽ സി.പി.ഒ റാങ്ക് ലിസ്റ്റിലുള്ളവർ സമരം ശക്തമായി തുടരുമെന്ന് അറിയിച്ചു. സർക്കാരിന് കാര്യങ്ങൾ ബോധ്യപ്പെട്ടു. രേഖാമൂലം ഉറപ്പ് കിട്ടിയാൽ സമരം നിർത്തുമെന്ന് സി.പിഒ റാങ്ക് ലിസ്റ്റിലെ ഉദ്യോഗാർഥികൾ അറിയിച്ചു
