HEALTH
മഹാരാഷ്ട്രയിൽ അടുത്ത രണ്ടുമുതല് നാലാഴ്ചയ്ക്കുള്ളില് കോവിഡ് മൂന്നാംതരംഗം
മുംബൈ: അടുത്ത രണ്ടുമുതല് നാലാഴ്ചയ്ക്കുള്ളില് കോവിഡ് മൂന്നാംതരംഗം മഹാരാഷ്ട്രയെ ബാധിച്ചേക്കാമെന്ന് മുന്നറിയിപ്പ്. സംസ്ഥാന കോവിഡ് ദൗത്യസംഘമാണ് മുന്നറിയിപ്പ് നല്കിയത്. മൂന്നാംതരംഗം കുട്ടികളെ ബാധിക്കാനുള്ള സാധ്യത കുറവാണ്.
രണ്ടാംതരംഗത്തെ അപേക്ഷിച്ച് മൂന്നാംതരംഗത്തില് കോവിഡ് രോഗികളുടെ എണ്ണം ഇരട്ടിയായേക്കുമെന്നും ദൗത്യസംഘം കണക്കാക്കുന്നു. ഒന്നാംതരംഗത്തില് 19 ലക്ഷം കേസുകളായിരുന്നു റിപ്പോര്ട്ട് ചെയ്യപ്പെട്ടത്. രണ്ടാംതരംഗത്തില് 40 ലക്ഷം കേസുകളും റിപ്പോര്ട്ട് ചെയ്യപ്പെട്ടിരുന്നു.
കോവിഡ് മൂന്നാംതരംഗം ഉണ്ടാകുന്ന പക്ഷം അതിനെ നേരിടാനുള്ള മുന്നൊരുക്കങ്ങള്ക്കായി മുഖ്യമന്ത്രി ഉദ്ധവ് താക്കറെയുടെ നേതൃത്വത്തില് ബുധനാഴ്ച അവലോകന യോഗം ചേര്ന്നിരുന്നു. ഈ യോഗത്തിലാണ് ദൗത്യസംഘം നിരീക്ഷണങ്ങള് പങ്കുവെച്ചത്. ദൗത്യസംഘത്തിലെ അംഗങ്ങളെ കൂടാതെ സംസ്ഥാന ആരോഗ്യമന്ത്രിയും മുതിര്ന്ന ഉദ്യോഗസ്ഥരും യോഗത്തില് പങ്കെടുത്തു.
