HEALTH
ആരോഗ്യ വകുപ്പ് ഡയറക്ടര് ഡോ. കെ.ജെ.റീനയുടെ സ്ഥലംമാറ്റവുമായി ബന്ധപ്പെട്ട വിവാദം പുകയുന്നു.
ആരോഗ്യ വകുപ്പ് ഡയറക്ടര് ഡോ. കെ.ജെ.റീനയുടെ സ്ഥലംമാറ്റവുമായി ബന്ധപ്പെട്ട വിവാദം പുകയുന്നു.
തിരുവനന്തപുരം:ആരോഗ്യ വകുപ്പ് ഡയറക്ടര് ഡോ. കെ.ജെ.റീനയുടെ സ്ഥലംമാറ്റവുമായി ബന്ധപ്പെട്ട് വിവാദം പുകയുന്നു. പകര്ച്ചവ്യാധിക്കാലത്ത് ഡോ.റീന 15 ദിവസം അവധി എടുത്തുവെന്ന് സ്ഥലംമാറ്റ ഉത്തരവില് ആരോഗ്യവകുപ്പ് വ്യക്തമാക്കിയിരുന്നു. എന്നാല് ഇതിനെതിരെ ഡോ. കെ.ജെ. റീന രംഗത്തെത്തി. 15 ദിവസം അവധിക്ക് അപേക്ഷിച്ചിട്ടില്ലെന്നും ആരോഗ്യകാരണങ്ങളാല് താന് രണ്ടര ദിവസത്തെ അവധി മാത്രമാണ് അപേക്ഷിച്ചതെന്നും ഡോ. റീന പറഞ്ഞു.
മൂന്നു വര്ഷം കാലാവധി പൂര്ത്തിയാക്കിയതിനാലും സര്ക്കാരിനോട് ആലോചിക്കാതെ ചില നടപടി സ്വീകരിച്ചതിനാലുമാണ് സ്ഥലം മാറ്റമെന്ന് ആരോഗ്യമന്ത്രി കെ.മുരളീധരന് പറഞ്ഞു. പുതിയ സര്ക്കാരില് മുഖ്യമന്ത്രിയും മന്ത്രിമാരും ചാര്ജെടുത്ത് മണിക്കൂറുകള്ക്കുള്ളില് ഒരു ചര്ച്ചയും നടത്താതെ ശബരിമലയിലേക്കു ഡോക്ടര്മാരെ നല്കാന് കഴിയില്ലെന്ന് കത്തു നല്കിയത് തെറ്റാണെന്നും മന്ത്രി പറഞ്ഞു. എന്ത് അടിസ്ഥാനത്തിലാണ് ഡോക്ടര്മാരെ കൊടുക്കില്ലെന്ന് കത്തു നല്കിയത്. അത് സര്ക്കാരിന്റെ ചുമതല അല്ലേ. അവര് ലീവിന് അപേക്ഷിച്ചതില് തെറ്റില്ല. പക്ഷെ സര്ക്കാരിന്റെ സിസ്റ്റത്തിനോടു സഹകരിക്കാത്തവര്ക്കെതിരെ നടപടി സ്വീകരിക്കുമെന്നും മന്ത്രി പറഞ്ഞു.
