കേരള കോണ്‍ഗ്രസ് (ബി) നേതാവ് ക്ഷേത്രോത്സവത്തിനിടെയുണ്ടായ സംഘര്‍ഷത്തില്‍ കൊല്ലപ്പെട്ടു

കൊല്ലം∙ കൊക്കാട് ക്ഷേത്രോത്സവത്തിനിടെയുണ്ടായ സംഘര്‍ഷത്തിൽ കേരള കോണ്‍ഗ്രസ് (ബി) നേതാവ് കൊല്ലപ്പെട്ടു. മനുവിലാസത്തില്‍ മനോജ് (39) ആണ് കൊല്ലപ്പെട്ടത്. കേരള കോണ്‍ഗ്രസ് (ബി) ചക്കുവരയ്ക്കല്‍ മണ്ഡലം പ്രസിഡന്റാണ് മനോജ്. ഇന്നലെ രാത്രി വെട്ടേറ്റ നിലയില്‍ റോഡരികില്‍ കണ്ട മനോജിനെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. കൈ വിരലുകള്‍ വെട്ടിമാറ്റിയ നിലയിലാണ്. കഴുത്തിലും വെട്ടേറ്റിട്ടുണ്ട്. 

സംഭവം രാഷ്ട്രീയ കൊലപാതകമാണന്ന് കേരള കോണ്‍ഗ്രസ് (ബി) നേതാവ് ഗണേശ് കുമാര്‍ എംഎല്‍എ ആരോപിച്ചു. കൊലയ്ക്കു പിന്നില്‍ കോണ്‍ഗ്രസ് പ്രവര്‍ത്തകരാണെന്നും ഗണേഷ് ആരോപിച്ചു.