Crime
ഗുരുവായൂര്‍ ക്ഷേത്രത്തില്‍ ബേംബുണ്ടെന്ന് വ്യാജ ഭീഷണി മുഴക്കിയ യുവാവ് അറസ്റ്റില്‍
ഗുരുവായൂര്‍: ഗുരുവായൂര്‍ ക്ഷേത്രത്തില്‍ ബേംബുണ്ടെന്ന് വ്യാജ ഭീഷണി മുഴക്കിയ യുവാവ് അറസ്റ്റില്‍. നന്‍മേനി സ്വദേശി സജീവനെയാണ് പൊലീസ് പിടികൂടിയത്.
തിരുവനന്തപുരം പൊലീസ് കണ്‍ട്രോള്‍ റൂമിലാണ് വ്യാജ സന്ദേശം ലഭിച്ചത്. മദ്യലഹരിയില്‍ വിളിച്ചതാണെന്നാണ് പ്രതി പൊലീസിനോട് പറഞ്ഞത്. ഇന്നലെ രാത്രി 9 മണി കഴിഞ്ഞപ്പോളാണ് കണ്‍ട്രോള്‍ റൂമിലേക്ക് വിളി വന്നത്. ഇതിന് പിന്നാലെ ക്ഷേത്രത്തില്‍ ഉണ്ടായിരുന്ന ഭക്തജനങ്ങളെ പുറത്താക്കി പരിശോധന നടത്തിയിരുന്നു.
ഫോണ്‍ സന്ദേശം വ്യാജമാണന്നെ് കണ്ടെത്തിയതോടെ വിളിച്ച ആളുടെ നമ്പര്‍ കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെ പിടികൂടിയത്. ക്ഷേത്രത്തിലെ സുരക്ഷ ശക്തമാക്കിയിട്ടുണ്ട്. നേരത്തെയും പ്രതി സമാനമായ രീതിയില്‍ ഭീഷണി മുഴക്കിയിട്ടുള്ളതായി കണ്ടെത്തി. കളക്ടറേറ്റില്‍ ബോംബ് വച്ചിട്ടുണ്ടെന്ന് വ്യാജ സന്ദേശം നല്‍കിയതിന്റെ പേരില്‍ ഇയാള്‍ക്കെതിരെ തൃശൂര്‍ വെസ്റ്റ് പൊലീസ് സ്റ്റേഷനില്‍ കേസുണ്ട്.
