Crime
പ്രതിഷേധം കടുത്തു. പ്രതി സന്ദീപിനെ പാരിപ്പള്ളി മെഡിക്കല്‍ കോളേജില്‍ നിന്നും മാറ്റി.പ്രതിയെ ചികിത്സിക്കില്ലെന്ന് ഡോക്ടര്‍മാര്‍.
കൊല്ലം: കൊട്ടാരക്കര ആശുപത്രിയില്‍ ഡോ.വന്ദന ദാസിന്റെ കുത്തിക്കൊന്ന സംഭവത്തില്‍ പ്രതിഷേധം കടുത്തതോടെ പ്രതി സന്ദീപിനെ പാരിപ്പള്ളി മെഡിക്കല്‍ കോളേജില്‍ നിന്നും മാറ്റി. പ്രതിക്കെതിരെ ആശുപത്രിയില്‍ വലിയ പ്രതിഷേധമാണ് നടക്കുന്നത്. മെഡിക്കല്‍ വിദ്യാര്‍ത്ഥികളടക്കം വലിയ പ്രതിഷേധം ഉയര്‍ത്തിയതിനെ തുടര്‍ന്നാണ് നടപടി. തിരുവനന്തപുരം മെഡിക്കല്‍ കോളജ് സെല്ലിലേക്കാണ് മാറ്റിയത്. പ്രതിയെ ആംബുലന്‍സിലാണ് മാറ്റിയത്.
പ്രതിയെ ഒരുമണിയോടെ തിരുവനന്തപുരത്തേക്ക് കൊണ്ടുപോയി. പ്രതിയെ കൊണ്ടുപോകുന്നതിനിടെ പ്രതിഷേധം ശക്തമായിരുന്നു. മുദ്രാവാക്യം വിളികളോടെ വിദ്യാര്‍ത്ഥികളുള്‍പ്പെടെയുള്ള പ്രതിഷേധക്കാര്‍ ആംബുലന്‍സും തടഞ്ഞും പ്രതിഷേധിച്ചു. പ്രതിയെ ചികിത്സിക്കില്ലെന്ന നിലപാടിലായിരുന്നു ഡോക്ടര്‍മാര്‍. പിന്നീട് പൊലീസെത്തിയാണ് പ്രതിക്ക് ചികിത്സ നല്‍കിയത്.
വന്ദനയുടെ കൊലപാതകത്തില്‍ പ്രതിഷേധിച്ച് സംസ്ഥാവ്യാപകമായി സര്‍ക്കാര്‍ ഡോക്ടര്‍മാര്‍ ഇന്ന് പണിമുടക്കുകയാണ്.
