വിപണിയില്‍ തരംഗം സൃഷ്ടിച്ച് 10 20 30 പ്രമോഷനുമായി സഫാരി വീണ്ടും.

ഷാര്‍ജ: കഴിഞ്ഞ കാലങ്ങളില്‍ ഉപഭോക്താക്കളില്‍ നിന്നും ലഭിച്ച വമ്പിച്ച പിന്തുണയുടെയും അവരുടെ വര്‍ധിച്ച ആവശ്യവും പരിഗണിച്ച് യുഎഇയിലെ ഏറ്റവും വലിയ ഹൈപര്‍ മാര്‍ക്കറ്റായ ഷാര്‍ജയിലെ സഫാരിയില്‍ പുതുവര്‍ഷത്തില്‍ 10, 20, 30 പ്രമോഷന് വീണ്ടും തുടക്കം കുറിച്ചു. സ്വദേശികളും വിദേശികളുമടക്കം നിരവധി ഉപഭോക്താക്കള്‍ കാത്തിരിക്കുന്ന സഫാരിയുടെ ഏറ്റവും ജനപ്രിയ പ്രമോഷന്‍ ആണ് സഫാരി 10 20 30 പ്രമോഷന്‍ എന്നും. സാധാരണ ജനങ്ങള്‍ക്ക് ഏറ്റവുമേറെ പ്രയോജനപ്പെടുന്ന രീതിയിലാണ് പുതുവര്‍ഷത്തില്‍ ഈ പ്രമോഷന്‍ വീണ്ടും ഏര്‍പ്പെടുത്തിയിരിക്കുന്നതെന്ന് സഫാരി ഗ്രൂപ് മാനേജിംഗ് ഡയറക്ടര്‍ സൈനുല്‍ ആബിദീന്‍ പറഞ്ഞു.

യുഎഇയിലെ മറ്റു റീടെയില്‍ സ്ഥാപനങ്ങളില്‍ നിന്നും വ്യത്യസ്തമായി ഉപഭോക്താക്കള്‍ക്ക്‌ ചുരുങ്ങിയ ബജറ്റില്‍ അനുയോജ്യമായ രീതിയില്‍ ഏറ്റവും ഗുണനിലവാരമുള്ള ബ്രാന്‍ഡഡ് ഇനങ്ങള്‍ ഉള്‍പ്പെടുത്തിയാണ് 500ലധികം ഉല്‍പന്നങ്ങള്‍ ഉള്‍ക്കൊള്ളുന്ന 10, 20, 30 പ്രമോഷന് ജനുവരി 29 മുതല്‍ സഫാരിയില്‍ തുടക്കം കുറിച്ചിരിക്കുന്നത്. സൂപര്‍ മാര്‍ക്കറ്റ് & ഡിപ്പാര്‍ട്മെന്റ് സ്റ്റോറിലും ഫര്‍ണിച്ചര്‍ സ്റ്റോറിലും രുചി വൈവിധ്യങ്ങളുടെ കലവറ തന്നെയായി മാറിയ സഫാരി ബേക്കറി & ഹോട്ട്ഫുഡിലും തുടങ്ങി എല്ലാ വിഭാഗങ്ങളിലും ഈ പ്രമോഷന്‍ ലഭ്യമാണ്.
ഗുണനിലവാരമുള്ള ബ്രാന്‍ഡുകളും സെമി ബ്രാന്‍ഡുകളും ഉള്‍പ്പെടുത്തിയുള്ള 10, 20, 30 പ്രമോഷന്‍ യുഎഇയിലെ ജനങ്ങള്‍ക്കായി ആദ്യമായി ആവിഷ്‌കരിച്ചത് സഫാരിയാണ്. വിപണിയില്‍ ഓഫറുകളുടെയും പ്രാമോഷനുകളുടെയും വലിയ പ്രവാഹം തന്നെ സൃഷ്ടിക്കുന്ന സഫാരിയില്‍ ജനങ്ങള്‍ ഏറ്റവും കൂടുതല്‍ കാത്തിരിക്കുന്ന ഈ പ്രമോഷന്‍ ഗുണമേന്‍മ, വിലക്കുറവ്, സമ്മാന പദ്ധതികള്‍ എന്നിവയുള്‍ക്കൊള്ളുന്നതാണ്. ഇത്തരം പ്രമോഷനുകളോടുള്ള ജനങ്ങളുടെ താല്‍പര്യങ്ങള്‍ മനസ്സിലാക്കിയാണ് പുതുവര്‍ഷത്തില്‍ വീണ്ടും 10 20 30 പ്രൊമോഷന്‍ ആരംഭിച്ചിട്ടുള്ളത്.
സഫാരിയുടെ ആരംഭം മുതല്‍ യുഎഇയിലെ ജനങ്ങള്‍ക്ക് ധാരാളം ‘വിന്‍ പ്രമോഷനു’കളായ കാറുകളും സ്വര്‍ണവും ‘ഹാഫ് എ മില്യണ്‍ ദിര്‍ഹം’സും നടത്തി വന്‍ മുന്നേറ്റം തന്നെ സൃഷ്ടിക്കാന്‍ സഫാരിക്ക് കഴിഞ്ഞിട്ടുണ്ട്.
വിന്‍ 10 നിസ്സാന്‍ സണ്ണി കാര്‍ പ്രൊമോഷനാണ് ഇപ്പോള്‍ നടന്നുകൊണ്ടിരിക്കുന്നത്. 2023 ജൂലായ് 25 മുതല്‍ 2024 ജൂണ്‍ 2 വരെ നീളുന്ന ഈ മെഗാപ്രൊമോഷന്റെ കാലയളവിലായി ഇടവേളകളില്ലാതെ ഓരോ മാസവും നടക്കുന്ന നറുക്കെടുപ്പില്‍ ഓരോ കാര്‍ വീതം മൊത്തം 10 നിസ്സാന്‍ സണ്ണി കാറുകള്‍ സമ്മാനമായി നല്‍കുക.

സഫാരി ഹൈപ്പര്‍ മാര്‍ക്കറ്റില്‍ നിന്നും 50 ദിര്‍ഹംസിന് പര്‍ച്ചേയ്‌സ് ചെയ്യുമ്പോള്‍ ലഭിക്കുന്ന ഈ റാഫിള്‍ കൂപ്പണ്‍ വഴി മൈ സഫാരി ആപ്പില്‍ രജിസ്റ്റര്‍ ചെയ്തിട്ടുള്ള ഏതൊരാള്‍ക്കും ഈ മെഗാസമ്മാനപദ്ധതിയില്‍ പങ്കാളികളാകാവുന്നതാണ്.