എം.വി.ഗോവിന്ദന് കെ.കെ രമയുടെ വക്കീൽ നോട്ടീസ്. മാപ്പ് പറഞ്ഞില്ലെങ്കിൽ ഒരു കോടി രൂപയുടെ മാനനഷ്ട കേസ് ഫയൽ ചെയ്യും

തിരുവനന്തപുരം :നിയമസഭാ സംഘർഷത്തിൽ കൈയ്ക്ക് പരുക്കേറ്റ തന്നെ അപകീർത്തിപ്പെടുത്തുന്ന രീതിയിൽ സമൂഹമാധ്യമങ്ങളിലും മുഖ്യധാരാ മാധ്യമങ്ങളിലും പ്രചാരണം നടത്തിയ സംഭവത്തിൽ കെ.കെ.രമ എംഎൽഎ മാനനഷ്ടകേസ് നൽകുന്നു. ഇതിന്റെ ഭാഗമായി സിപിഎം സംസ്ഥാന സെക്രട്ടറി എം.വി.ഗോവിന്ദൻ, ദേശാഭിമാനി പത്രം, സച്ചിൻ ദേവ് എംഎൽഎ എന്നിവർക്ക് കെ.കെ.രമ വക്കീൽ നോട്ടിസ് അയച്ചു. 

നോട്ടിസ് ലഭിച്ച് 15 ദിവസത്തിനുള്ളിൽ മറുപടി നൽകുകയും പരസ്യമായി മാപ്പ് പറയുകയും ചെയ്തില്ലെങ്കിൽ ഒരു കോടി രൂപയുടെ മാനനഷ്ടക്കേസും ക്രിമിനൽ കേസും ഫയൽ ചെയ്യുമെന്നാണ് നോട്ടിസിലുള്ളത്. അഡ്വ. പി.കുമാരൻകുട്ടി മുഖേനയാണ് നോട്ടിസ് അയച്ചത്.