വന്‍ജനാവലി സാക്ഷി; പുതുചരിത്രമെഴുതി റാസല്‍ഖൈമയില്‍ സഫാരി മാള്‍ തുറന്നു

റാസല്‍ഖൈമ: ഷോപ്പിംഗ് രംഗത്ത് വിപ്ലവം സൃഷ്ടിച്ച സഫാരിഗ്രൂപ്പിന്റെ യു.എ.യിലെ രണ്ടാമത്തെ ഷോപ്പിംഗ് മാള്‍ റാസല്‍ഖൈമയില്‍ ഡിസംബര്‍ 26ന് പ്രവര്‍ത്തനമാരംഭിച്ചു. പ്രൗഢഗംഭീരമായ ചടങ്ങില്‍ സഫാരിമാളിന്റെ ഉദ്ഘാടനം ഹിസ് എക്‌സലന്‍സി ഷൈഖ് ഒമര്‍ ബിന്‍ സാഖിര്‍ ബിന്‍ മുഹമ്മദ് അല്‍ഖാസിമി ഉദ്ഘാടനം ചെയ്തു.

ഷൈഖ് സഖര്‍ ഒമര്‍ ബിന്‍ സഖര്‍ ബിന്‍ മുഹമ്മദ് അല്‍ഖാസിമി, സഫാരി ഗ്രൂപ്പ് ചെയര്‍മാന്‍ അബൂബക്കര്‍ മടപ്പാട്ട്, മാനേജിങ്ങ് ഡയറക്ടര്‍മാരായ സൈനുല്‍ ആബിദീന്‍, ഷഹീന്‍ ബക്കര്‍, എക്‌സിക്യൂട്ടീവ് ഡയറക്ടര്‍മാരായ ഷമീം ബക്കര്‍, ഷാഹിദ് ബക്കര്‍ മറ്റു മാനേജ്‌മെന്റ് പ്രതിനിധികള്‍ ഉദ്ഘാടന ചടങ്ങില്‍ പങ്കെടുത്തു.

ഹൈപ്പര്‍ മാര്‍ക്കറ്റ്, ഇലക്ട്രോണിക്‌സ്, ഡിപാര്‍ട്‌മെന്റ് സ്റ്റോര്‍, ഫര്‍ണിച്ചര്‍, ബേക്കറി, ഹോട്ട് ഫുഡ്, ഫുഡ് കോര്‍ട്ട് തുടങ്ങിയ വിഭാഗങ്ങള്‍ ഇവിടെയുണ്ട്.
ഉദ്ഘാടനത്തോടനുബന്ധിച്ച് ഡിസംബര്‍ 26 മുതല്‍ സഫാരി മാള്‍ സന്ദര്‍ശിക്കുന്നവര്‍ക്ക് ഒന്നും പര്‍ച്ചേസ് ചെയ്യാതെ തന്നെ ‘വിസിറ്റ് ആന്റ് വിന്‍’ പ്രമോഷനിലൂടെ ഒരു ലക്ഷം ദിര്‍ഹം സമ്മാനമായി നേടാം. വെറും രണ്ടു മാസം നീണ്ടു നില്‍ക്കുന്ന പ്രമോഷനിലൂടെ ഒന്നാം സമ്മാനമായി 50,000 ദിര്‍ഹമും രണ്ടാം സമ്മാനമായി 30,000 ദിര്‍ഹമും മൂന്നാം സമ്മാനമായി 20,000 ദിര്‍ഹമും സമ്മാനമായി നേടാം.

കൂടാതെ, ഉദ്ഘാടനത്തോടനുബന്ധിച്ച് സുസൂക്കി ജിംനി 5 കാറുകള്‍ നല്‍കുന്ന പ്രമോഷനും സഫാരിയില്‍ ഒരുക്കിയിട്ടുണ്ട്. സഫാരി ഹൈപര്‍ മാര്‍ക്കറ്റില്‍ നിന്നും 50 ദിര്‍ഹമിന് പര്‍ച്ചേസ് ചെയ്യുമ്പോള്‍ ലഭിക്കുന്ന ഈ റാഫിള്‍ കൂപ്പണ്‍ വഴി ‘മൈ സഫാരി’ ആപ്പില്‍ രജിസ്റ്റര്‍ ചെയ്ത ഏതൊരാള്‍ക്കും ഈ മെഗാ സമ്മാന പദ്ധതിയില്‍ പങ്കാളികളാകാവുന്നതാണ്.