രാജ്യത്ത് കഴിഞ്ഞ 24 മണിക്കൂറിനിടെ 4510 പുതിയ കൊവിഡ് കേസുകൾ

ന്യൂഡൽഹി: രാജ്യത്ത് കഴിഞ്ഞ 24 മണിക്കൂറിനിടെ 4510 പുതിയ കൊവിഡ് കേസുകൾ റിപ്പോർട്ട് ചെയ്‌തു. ഒൻപത് മരണങ്ങളും സ്ഥിരീകരിച്ചിട്ടുണ്ട്. ആക്‌ടീവ് കേസ് ഇന്ത്യയിൽ 25,782 ആണ്. രോഗമുക്തി നേടിയവർ 2779. രോഗമുക്തി നിരക്ക് 98.73 ശതമാനമാണ്.
മഹാരാഷ്‌ട്രയും കേരളവുമാണ് കൊവിഡ് പ്രതിദിന കണക്കിൽ മുന്നിൽ നിൽക്കുന്നത്. 1544 രോഗികളുള‌ള കേരളമാണ് മുന്നിൽ. മഹാരാഷ്‌ട്രയിൽ 1494 കേസുകളാണ് റിപ്പോർട്ട് ചെയ്‌തത് ഇതിൽ 961ഉം മുംബയിലാണ്. ഡൽഹിയിലും കൊവിഡ് വർദ്ധിക്കുകയാണ് 343 കേസുകളാണ് ഞായറാഴ്‌ച സ്ഥിരീകരിച്ചത്. മഹാരാഷ്‌ട്രയിൽ മാസ്‌ക് ധരിക്കുന്നതും സാമൂഹിക അകലവും വീണ്ടും നിർബന്ധമാക്കി.കേരളത്തിൽ എറണാകുളം,​ തിരുവനന്തപുരം,​ കോട്ടയം ജില്ലകളിലാണ് പ്രതിദിന കൊവിഡ് രോഗികൾ കൂടുതൽ.