HEALTH
ഡോക്ടർമാരുടെ സംസ്ഥാന വ്യാപക പണിമുടക്ക് തുടങ്ങി രാവിലെ 6 മുതല് വൈകിട്ട് 6 വരെയാണ് പണിമുടക്ക്.
കോഴിക്കോട് :കോഴിക്കോട് ഫാത്തിമ ആശുപത്രിയിലെ ഡോക്ടറെ ആക്രമിച്ചതില് പ്രതിഷേധിച്ച് ഇന്ത്യന് മെഡിക്കല് അസോസിയേഷന് (ഐഎംഎ) സംസ്ഥാനവ്യാപകമായി ആഹ്വാനം ചെയ്ത പണിമുടക്ക് തുടങ്ങി.
രാവിലെ 6 മുതല് വൈകിട്ട് 6 വരെയാണ് പണിമുടക്ക്.
കേരള ഗവ. പോസ്റ്റ് ഗ്രാജ്വേറ്റ് മെഡിക്കല് ടീച്ചേഴ്സ് അസോസിയേഷന് (കെജിപിഎംടിഎ), കേരള ഗവ. സ്പെഷലിസ്റ്റ് ഡോക്ടേഴ്സ് അസോസിയേഷന്, ഇന്ത്യന് ഡെന്റല് അസോസിയേഷന് എന്നീ സംഘടനകള് പണിമുടക്കില് പങ്കെടുക്കുന്നുണ്ട്.
സ്വകാര്യ, സര്ക്കാര് ആശുപത്രികളില് ഒപി വിഭാഗം പ്രവര്ത്തിക്കുന്നില്ല.. എന്നാല് അത്യാഹിതവിഭാഗം പ്രവര്ത്തിക്കുന്നുണ്ട്.. മുന്കൂട്ടി നിശ്ചയിച്ച ശസ്ത്രക്രിയകളുണ്ടാകില്ല. അടിയന്തര ശസ്ത്രക്രിയകള് നടത്തും. ഡെന്റല് ക്ലിനിക്കുകള് അടഞ്ഞുകിടക്കുകയാണ്. സ്വകാര്യ മെഡിക്കല് കോളജുകളില് അത്യാഹിത വിഭാഗവും അടിയന്തര ശസ്ത്രക്രിയാവിഭാഗവും മാത്രമേ പ്രവര്ത്തിക്കൂ.
