ആസൂത്രകന്‍ അധ്യാപകനായ ലളിത് ത്സാ .ബുദ്ധികേന്ദ്രം മ​നോ​ര​ഞ്ജ​

ന്യൂഡൽഹി: ലോ​ക്സ​ഭാ ചേം​ബ​റി​ലേ​ക്ക് അതീവ സുരക്ഷാസന്നാഹങ്ങൾ മറികടന്ന് പുതിയ സഭാമന്ദിരത്തിൽ യുവാക്കൾ കടന്നുകയറി പ്രതിഷേധിച്ച സംഭവത്തിൽ ആസൂത്രകന്‍ അധ്യാപകനായ ലളിത് ത്സായെന്ന് സൂചന ലഭിച്ചതായി പൊലീസ്. സുരക്ഷാവീഴ്ചയുണ്ടായ സമയത്ത് ഇ‍യാൾ പാർലമെന്‍റിന് പുറത്തുണ്ടായിരുന്നതായും ഇയാൾക്കായി ശക്തമായ തിരച്ചിൽ തുടരുന്നതായും പൊലീസ് അറിയിച്ചു.
ആക്രമണത്തിന്‍റെ ബുദ്ധികേന്ദ്രം അറസ്റ്റിലായ ഡി. ​മ​നോ​ര​ഞ്ജ​നാണെന്നാണ് പൊലീസ് പറയുന്നത്. ലളിത് ത്സായ്ക്ക് നിർദേശം നൽകിയത് താനാണെന്ന് ഇയാൾ പൊലീസിനോട് പറഞ്ഞു. നക്സൽ ഗ്രൂപ്പുകളുടെ രീതി തുടരുന്നയാളാണ് ഇയാളെന്നും പൊലീസ് പറയുന്നു.

അതേസമയം, പാർലമെന്‍റിലെ സുരക്ഷാ വീഴ്ച ചർച്ചചെയ്യണെന്ന് പ്രതിപക്ഷം അറിയിച്ചു. അടിയന്തരപ്രമേയത്തിന് എംപിമാർ നോട്ടീസ് കൊടുത്തു.

പ്രധാന ഗേറ്റ് വഴി മാത്രമാണ് എംപിമാർക്ക് പ്രവേശനനുമതിയുള്ളത്. ജീവനകാർക്ക് അടക്കം കർശന പരിശോധന നടത്തുന്നുണ്ട്. ഇവർക്കായുള്ള പ്രവേശനം മറ്റൊരു ഗേറ്റു വഴിയാണ് ഒരുക്കിയിരിക്കുന്നത്. വിശദമായ ദേഹപരിശോധനയും ബാഗുകൾ അടക്കം തുറന്ന് പരിശോധന നടത്തുന്നുണ്ട്.

ചേം​ബ​റി​ലേ​ക്ക് ചാ​ടി​യ​ത് മൈ​സൂ​രു സ്വ​ദേ​ശി ഡി. ​മ​നോ​ര​ഞ്ജ​നും (34) ല​ക്നൗ സ്വ​ദേ​ശി സാ​ഗ​ർ ശ​ർ​മ​യും (26) എ​ന്ന് തി​രി​ച്ച​റി​ഞ്ഞു. പാ​ർ​ല​മെ​ന്‍റ് പ​രി​സ​ര​ത്ത് ക​ള​ർ​സ്പ്രേ ഉ​പ​യോ​ഗി​ച്ച് പ​രി​ഭ്രാ​ന്തി സൃ​ഷ്ടി​ച്ച​തി​ന് പി​ടി​യി​ലാ​യ​ത് ഹ​രി​യാ​ന​യി​ലെ ജി​ൻ​ഡ് സ്വ​ദേ​ശി നീ​ലം ദേ​വി​യും (42) മ​ഹാ​രാ​ഷ്‌​ട്ര​യി​ലെ ലാ​ത്തൂ​ർ സ്വ​ദേ​ശി അ​മോ​ൽ ഷി​ൻ​ഡെ (25)യു​മാ​ണ്. ഇ​വ​ർ​ക്കു പു​റ​മേ ഗു​ഡ്ഗാ​വി​ൽ നി​ന്ന് വി​ക്കി ശ​ർ​മ എ​ന്ന യു​വാ​വി​നെ​യും അ​റ​സ്റ്റ് ചെ​യ്തു. ആ​റാ​മ​നായ ല​ളി​ത് ഝാ​യ്ക്കു വേ​ണ്ടി തെ​ര​ച്ചി​ൽ തു​ട​രു​കയാണ്.