മദ്ധ്യസ്ഥതയുടെ പേരിൽ സാമുവൽ ജെറോം പണം കവർന്നു; ആരോപണവുമായി തലാലിന്റെ സഹോദരൻ

സനാ: യെമനിലെ ജയിലിൽ കഴിയുന്ന നിമിഷപ്രിയയുടെ മോചനവുമായി ബന്ധപ്പെട്ട് സാമുവൽ ജെറോമിനെതിരെ ഗുരുതര ആരോപണങ്ങളുമായി കൊല്ലപ്പെട്ട തലാലിന്റെ സഹോദരൻ അബ്ദുൽ ഫത്താഹ് മഹ്ദി. മദ്ധ്യസ്ഥതയുടെ പേരിൽ സാമുവൽ പണം കവർന്നെന്നാണ് ആരോപണം. മലയാളത്തിലും അറബിയിലുമാണ് തലാലിന്റെ സഹോദരൻ കുറിപ്പ് പങ്കുവച്ചിരിക്കുന്നത്.

ഫേസ്ബുക്ക് കുറിപ്പ്അവകാശപ്പെടുന്നത് പോലെ സാമുവൽ ജെറോം അഭിഭാഷകൻ അല്ല.
ഒരു മാദ്ധ്യമ പ്രവർത്തകനും കൊലയാളിയുടെ കുടുംബത്തിന്റെ പ്രതിനിധിയുമാണ്. ബിബിസി ചാനലിനോട് പറഞ്ഞതു പോലെ അഭിഭാഷകൻ അല്ല.
വേദികളിൽ നടന്ന്, ദാനം ശേഖരിക്കുന്നു. ‘മദ്ധ്യസ്ഥത’ എന്ന പേരിൽ പണം കവർന്നു, ഏറ്റവും അടുത്ത്‌ നാല്പത് ആയിരം ഡോളർ കവർന്നു. ഈ വിഷയത്തിൽ അയാൾ ഞങ്ങളുമായി ബന്ധപ്പെട്ടിട്ടില്ല. വിളിച്ചില്ല, സന്ദേശവും ഇല്ല; മറിച്ചു തെളിയിക്കാൻ ഞാൻ അദ്ദേഹത്തെ വെല്ലുവിളിക്കുന്നു. പ്രസിഡന്റിന്റെ ശിക്ഷ നടപ്പിലാക്കലിന് അംഗീകാരം നൽകിയതിന് ശേഷം സനായിൽ അദ്ദേഹത്തെ കാണാൻ അവസരം ലഭിച്ചു. സന്തോഷം നിറഞ്ഞ മുഖത്തോടുകൂടെ അയാൾ ‘ഒരായിരം അഭിനന്ദനങ്ങൾ എന്നു പറഞ്ഞു.മണിക്കൂറുകൾക്കുള്ളിൽ കേരള മാദ്ധ്യമങ്ങളിൽ പുതിയ വാർത്തയെത്തി, മോചനത്തിനായി ഇരുപതിനായം ഡോളർ ആവശ്യപ്പെട്ടിരിക്കുന്നുവെന്നായിരുന്നു വാർത്ത. വർഷങ്ങളായി ‘മദ്ധ്യസ്ഥത’ എന്ന പേരിൽ നമ്മുടെ രക്തം വ്യാപാരം ചെയ്യുന്നു. ആ മദ്ധ്യസ്ഥത ഞങ്ങൾ കേട്ടത് അദ്ദേഹത്തിന്റെ മാദ്ധ്യമ പ്രസ്താവനകളിൽ മാത്രം. നമ്മൾ സത്യം അറിയുന്നു, അദ്ദേഹം കള്ളവും വഞ്ചനയും നിർത്തിയില്ലെങ്കിൽ നമ്മൾ അത് തെളിയിക്കുമെന്നും ഫെയ്സ് ബുക്ക് പോസ്റ്റിൽ പറയുന്നു