കോ വിഡ് മൂന്നാം തരംഗം ഒക്ടോബറോടെ പാരമ്യത്തിലെത്തും. ദിനം പ്രതി ഒരു ലക്ഷത്തിലേറെ രോഗികൾ

ന്യൂഡൽഹി∙ ഇന്ത്യയിൽ ഈ മാസം മുതൽ നേരിയ തോതിൽ കോവിഡ് കേസുകൾ വർധിച്ചുതുടങ്ങുമെന്നും ഒക്ടോബറോടെ അതിന്റെ പാരമ്യത്തിൽ എത്തുമെന്നും വിദഗ്ധർ വിലയിരുത്തി. രണ്ടാം തരംഗം കൃത്യമായി പ്രവചിച്ച ഐഐടി ഹൈദരാബാദ്, കാൻപുർ സ്ഥാപനങ്ങളിലെ മതുകുമല്ല വിദ്യാസാഗർ, മനീന്ദ്ര അഗർവാൾ എന്നിവരുടെ നേതൃത്വത്തിലുള്ള ഗവേഷക സംഘമാണ് പുതിയ വളിപ്പെടുത്തൽ നടത്തിയത്.

അടുത്ത തരംഗത്തിൽ ദിവസവും ഒരു ലക്ഷത്തിൽ താഴെ പ്രതിദിന കേസുകൾ ഉണ്ടാകാൻ സാധ്യതയുണ്ടെന്നാണ് വിലയിരുത്തൽ. അത്  1.50 ലക്ഷം വരെയെത്തിയേക്കാം. എന്നാൽ കേരളം, മഹാരാഷ്ട്ര സംസ്ഥാനങ്ങളിൽ കേസുകൾ ഇതിലും വർധിക്കും. രണ്ടാം തരംഗത്തേക്കാൾ കുറവ് ആഘാതമായിരിക്കും മൂന്നാം തരംഗം ഉണ്ടാക്കുകയെന്നാണു വിലയിരുത്തൽ. രണ്ടാം തരംഗത്തിൽ മേയ് ഏഴിന് 4 ലക്ഷത്തിലധികം കേസുകളാണ് ഇന്ത്യയിൽ റിപ്പോർട്ട് ചെയ്തത്.