പ്രവര്‍ത്തകന്റെ ഒരു ചോദ്യം; ‘വീട്ടിൽ പോയി ചോദിച്ചാൽ മതിയെന്ന്’ മുഖ്യമന്ത്രി

പത്തനംതിട്ട ‘∙ മുഖ്യമന്ത്രി പിണറായി വിജയൻ പ്രസംഗിക്കുന്നതിനിടെ ആവേശം മൂത്ത പ്രവർത്തകൻ ചോദ്യമുണ്ടെന്ന് പറഞ്ഞ് എത്തിയപ്പോൾ ‘വീട്ടിൽ പോയി ചോദിച്ചാൽ മതി’ എന്നു മുഖ്യമന്ത്രി. കോന്നി മണ്ഡലം എൽഡിഎഫ് സ്ഥാനാർഥി കെ.യു.ജനീഷ്കുമാറിന്റെ തിരഞ്ഞെടുപ്പ് കൺവൻഷൻ ഉദ്ഘാടനം ചെയ്യുന്ന വേദിയിലാണ് സംഭവം. 

ഉദ്ഘാടനപ്രസംഗം പകുതിയായ സമയത്താണ് സി പി എം പ്രവർത്തകൻ സ്റ്റേജിനരികിലെത്തി എനിക്കൊരു ചോദ്യമുണ്ടെന്നു പറഞ്ഞത്. പ്രസംഗത്തിനിടെ വലത്തേക്കു നോക്കി മുഖ്യമന്ത്രി ‘വീട്ടിൽ പോയി ചോദിച്ചാൽ മതി’യെന്നു മറുപടി നൽകി. അപ്പോൾത്തന്നെ പൊലീസ് എത്തി പ്രവർത്തകനെ വിളിച്ചുകൊണ്ടുപോയി. ഇത് ഇപ്പോൾ പ്രതിപക്ഷം ഏറ്റെടുത്തിരിക്കുകയാണ് . ഉമ്മൻ ചാണ്ടി മുഖ്യമന്ത്രിയായ സമയത്ത് പ്രസംഗത്തിനിടെ ചോദ്യം ചോദിച്ചയാളോട് ചിരിച്ചു കൊണ്ട് മറുപടി പറയുന്ന വീഡിയോകൾ ഇപ്പോൾ സാമൂഹ്യ മാധ്യമങ്ങളിൽ യുഡി എഫ് പ്രവർത്തകർ വൈറലാക്കിയിരിക്കുകയാണ്